Jowai, Jylliew 20
Ka Dominic English Secondary School, St. Dominic HS School, Modern Secondary School, Police Public Secondary School bad Kiang Nangbah Govt. HS School ki la lah ban pynthikna ban jam sha ka semi final ha ka lympung ïalehkai District Level Inter School Subroto Mukherjee Cup Football Tournament Cup 2024 ba la pynïaid da ka shlem treikam u District Sports Officer (DSO), West Jaiñtia Hills.
Kane ka la wan hadien ba ki la khur jingjop ha ki jingïakhun quarter final kiba la long ha Kiang Nangbah Stadium, Jowai ha ka sngi Palei.
Haba phai sha ka jingïakhun quarter final jong ka Under-15 Boys, ka Dominic English Secondary School ka la pynliem ïa ka North Liberty HS School da 1-0 kol. Ka St. Dominic HS School ka la pynliem ïa ka Govt. HS School da 6-5 lyngba ka tie-breaker. Ka Modern Secondary School ka la pynliem ïa ka Mihmyntdu RC Eve Secondary School da 1-0 kol.
Katba ha ka kyrdan Under-17 Girls, ka Police Poblic School ka la pynliem ïa ka All Saint Diocesan Secondary School da 5-0 kol. Ka Kiang Nangbah Govt. HS School ka la pynliem ïa ka Govt. Girls HS School da 3-1 kol.
Ha ka 21 tarik ka jingïakhun semi final jong ka Under-17 Girls, kan long hapdeng ka North Liberty HS School pyrshah ïa ka Police Poblic Secondary School. Katba ha ka Under-17 Boys, ka North Liberty HS School pyrshah ïa ka Sawlyngdoh HS School. Ka Kiang Nangbah Govt. HS School pyrshah ïa ka Govt. Boys HS School.
Ha ka kyrdan Under-15 Boys kan long hapdeng ka HK Singh Memorial Sec. School pyrshah ïa ka Dominic English School, ka St Dominic HS School pyrshah ïa ka Modern Secondary School.
