Shillong, Jylliew 20
Ka Shillong Sports Association (SSA) ka la rai ban lilam noh ïa kawei ka jaka kaba thylli ha ka kyrdan ïalehkai First Division na ka bynta ka aïom ïalehkai 2024.
Ïa kane ka rai la shim ha ka jingïalang jong ka council kaba la long ha ka 15 tarik mynta u bnai. Kumta na liang ka SSA ka la buh ka jingtyrwa sa baroh ki klob kiba la pynïasoh sha kane ka synjuk bad kiba lah ban thong ha ka dor kaba heh kin ïoh shimti ïa kane ka jaka kaba thylli.
Kat kum ka kyrwoh ba la pyllait da ka synjuk la ong ba ka jinglilam kan long tang na bynta ki klob kiba don ha ka kyrdan ïalehkai Second, Third bad Fourth Division. Ïa ki jingtip kiba bniah ki lah ban ïoh na katei ka synjuk kaba don ha Polo.
