Shillong, Jylliew 21
Ka Ukraine ka la wanphai da ka jingjop ha ka lympung ïalehkai Euro 2024 hadien ba ka pynliem ïa ka Slovakia da 2-1 kol ha ka Sngi Thohdieng ha Merkur Spiel-Arena, kaba ha Dusseldorf.
Kane ka nam jop la wan urlong lyngba u Mykola Shaparenko bad u Roman Yaremchuk na ka bynta ban pynlong ïa kane ka kynhun ban ïaryngkat mar 3 point ryngkat ka Slovakia lem bad ka Romania.
Da kane jingjop ka la long ka jingplie ïa ka Ukraine namar ka dang don jingkyrmen ban ïoh rung sha ka pre-quarter final na ka Group-E. Ha kawei ka liang ka donkam pat ban jingjop ha ka jingïalehkai kaba khatduh pyrshah ïa ka Belgium ha ka 26 tarik, katba ka Slovakia ïa ka Romania.
Hadien ba ka la lah ban pynliem ïa ka Belgium da 1-0 kol, ka Slovakia ka la pyrshang ban ïalehkai bha ha kane ka jingïakhun kaba ar ha kaba ka la ïoh ban pynkhih jar nyngkong eh ha ka minit kaba 17 lyngba u Ivan Schranz.
Wat la ka Ukraine kaba la shah rem ha ka Romania, hynrei ha kane ka jingïakhun ka la wanphai da ka jingkhlaiñ bor ha kaba ka la lah ban pynïakhaid kylla ha ka kylla miet lyngba u Mykola Shaparenko ha ka minit kaba 54 bad shwa ban wan ka la lah ban thep biang ïa ka kol kaba ar lyngba u Roman Yarem-chuk (80) na ka bynta ban jop syndon
