Em, kane ha ka jingshisha ka dei ka jingkwah hi jongnga jongphi ban ai ïa ka jait sha u kpa uba ai ïa u symbai u rnai. Kam dei ka kam beain ban shim jait na u kpa ne ka kmie ruh. Hynrei hangne ha ri Khasi ki la ñiew beaiñ hana ïa kito kiba ai jait kpa. Katba ha ki ri ha satlak ka pyrthei ki ñiewkor ïa kiba ai jait kpa. Katba ha ki ri ha satlak ka pyrthei ki ñiewkor ïa kiba ai jait sha u kpa kum u khlieh jong ka ïing. Namar ka jingai jait sha u kpa ka dei ba la buh da u Blei. Kumta ka jingkylla ka dei ban wan na kaba sniew sha kaba bha. Namar ka jingai jaid sha ka kmie kaba long ka kynthei ka pynpeit pynpra ïa ka jingtylli hapoh ïing hapoh sem, hapdeng ki khun shynrang bad kumjuh ruh ha ki hynmen hynbew para kynthei ruh. La jan baroh ki jaitbynriew ha ka pyrthei ki pdiang ïa kane kaba la buh u Blei. Ki ong ruh kaba ai jaid sha u kpa ka long kaba sang. Kata baroh ki jaitbynriew ha satlak ka pyrthei ki bud ïa ka sang ka ma. Lait tang mangi ki Khasi ngi bud ïa ka riti ka dustur kaba lait na ka sang ka ma. U shynrang u dei u pateng jong baroh ki jaitbynriew ha ka pyrthei lyngba u symbai. Kane ka dustur Khasi ka pynpait pynpra ïa ka ïing ka sem, ka pynïashun bad pynïapher hapdeng shipara. Kumta te ngin phaidien noh na ki jingmut bad ki jingleh bakla baroh kaba ïa dei bad ka jingai jait kmie ban rai ban par kum ka jaitbynriew.
C. B. Iawphniaw
