Shillong, Jylliew 25
Ka Shillong Sports Association (SSA) ka la rai ban sdang noh ïa ka lympung ïalehkai phutbol mynta ka aïom da ka U-20 Fourth Division Football League Cum Knockout Tournament 2024 naduh 27 tarik mynta u bnai ha SSA Stadium kaba ha First Ground, Polo.
Ha kane ka lympung ki don 30 tylli ki kynhun kiba la phiah sha hynriew tylli ki group. Ki kynhun kiba don ha ka Group-A ki long ka Thynroit SC, Mawreng SC, Madanryting SC, Lumpyngngad SC bad ka Umrynjah SC. Ha ka Group-B ki long ka Mawlyngad SC, Mawñianglah SC, Umiew Maw U Sam SC, New Challenger SC bad ka Mawpdang SC. Ha ka Group-C ki long ka Madan S&CC, Golflink SC, Nongthymmai Nongkynrih SC, Mawlynrei SC bad ka Umsohsun SC.
Ha ka Group-D ki long ka Them Rangshken A.C.C, Laitlulong SC, Laitkroh SC, Pynthorbah SC bad ka Mawklot SC. Ha ka Group-E ki kynthup ïa ka Nongkohlew SC, Risa Colony, Laitumkhrah SC, Lumkseh SC bad ka Riatsamthiah SC. Haba phai sha ka Group-F ki long ka Lummawbah SC, Mawkasiang SC, Mawphlang SC, Pommura SC bad ka Diengpasoh SC.
Ki kynhun ki ban ïakhun ha katei ka sngi sdang (27 tarik) ha ka Group-A ki long hapdeng ka Thynroit SC pyrshah ïa ka Mawreng SC ha ka por 4 baje janmiet. Ka Group-B kan sdang naduh 28 tarik hapdeng ka Mawlyngad SC bad ka Mawñianglah SC, katba ka Group-C ki long hapdeng ka madan S&CC bad ka Golflinks SC (1:45PM).
Ka Group-D kan sdang ha ka 29 tarik hapdeng ka Them Rangshken SC pyrshah ïa ka Laitlulong SC, katba ha ka Group-E kan long hapdeng ka Nongkohlew pyrshah ïa ka Risa Colony. Ka Group-F kan sdang naduh ka 1 tarik u Naitung hadeng ka Lummawbah SC pyrshah ïa ka Mawasiang SC ha ka por 4 baje janmiet.
