Jerusalem, Jylliew:
U Myntri Rang-bah duh ka Israel-u Benjamin Netanyahu ha ka Sngi Nyngkong u la ong ba ka Israel ka la rai ban sngap ia ka jingtyrwa sangeh thma ba la wanrah da u President ka US ha kane ka por hynrei u la ong ba ka Hamas ka dei ban pynphai noh ia baroh kito kiba ka rahbor baroh bad kiba dang im bad sah ha ka kti jong ka haduh kane ka kynti.
Haba ai jingkren hapoh ka iing Myntri ha katei ka sngi, u Netanyahu u la ong ba ka Israel ha kane ka sien ka la rai ban sangeh noh ia ka thma kumba ka US ka la kular ba kan iakren bad ka Hamas ban pyllait noh ia baroh ki briew jong ka Israel kiba don ha ka kti jong ka Hamas kat kiba dang im bad dang sah ha kane ka por. Namar la ong ruh ba ka Israel naduh ki por ba la leit ka la dawa ia ka Hamas ban pyllait noh ia ki briew jongka lada ka kwah ia ka jingsangeh thma.
