Shillong, Jylliew 26
Uwei u Sub-Inspector ka tnat Border Security Force (BSF) ha Meghalaya ïa uba la tip kyrteng kum u Rajbir Singh u la duh noh ïa la ka jingim ha ka step Sngi Balang hadien ba u la shah thombor ha ki Hati khlaw ha khappud India bad Bangladesh ha West Garo Hills.
Ïa kane la pyntip da ka tnat BSF Meghalaya Frontier mynta ka sngi. La ong ba u Singh uba dei na ka jylla Haryana u dang don ha ka kam ha ka por ba ki hati khlaw ki la thombor ïa u.
Kane ka jingthombor ka la long hajan ka surok khappud bad ka jaka ba la ker sainar.
Na ka liang u Inspector General BSF Meghalaya Frontier bad ka tnat baroh kawei ka la pynpaw ïa ka jingsngewlem halor ka jingkhlad noh jong utei u Sub-Inspector uba dei na ka 100 Battalion jong ki BSF.
