Yekaterinburg, Jylliew:
Ka Russia ha kane ka por, ka la pyniaid ia ka jingbishar bym shym pynpaw paidbah haba iadei bad ka mat jong u nongthoh khubor ka United States uba la shah kem ha Russia namar ka jingsuba leit syntiat na bynta ka US.
Namar ka iingbishar jong ka Russia ka la pynpaw ba utei u nongthoh khubor u la phah jingtip sop-sop sha ka tnat syntiat jong ka US (US Central Intelligence Agency) halor ki rukom treikam jong ka Russia naduh ka jing pynwandur bad jingshna ia ki tup thma katba ka Russia ka dang bun kam ha ka jingiakhun thma bad ka Ukraine.
Kumta, la ong ba ka Russia ka la rai ba dei ban set patok haduh 20 snem kynthih ia utei u nong US uba don kti ban syntiat bad phah jingtip sha US halor ka jinglong- jingman hapoh Russia.
Katba, na ka liang katei ka tnat pathai khubor bad ka sorkar US, ki la kyntait ia ka jingdon kti jong utei u nongthoh khubor ban phah jingtip sha US bad ong ba u shu leit ban wad bniah da lade halor ka thma jong ka Russia pyrshah ia ka Ukraine.
