Shillong, Jylliew 30
U Myntri Rangbahduh jong ka Ri, u Narendra Modi u la ai khublei bad kitbok kitrwiang ïa ka kynhun ïalehkai kirket jong ka India kaba la jop bad rah ïa ka nam lahduh jong ka lympung T20 World Cup ha West Indies.
Lah ban kdew ba ka India ka la ïoh rah ïa ka nam lahduh jong ka T20 World Cup, hadien ba ka la pynliem noh ïa ka South Africa da 7 run ha ka jingïalehkai final kaba itynnad bha.
U Modi u la buh ïa ka dur-khih ha kaba u la ong ba ka ri baroh kawei ka sngew sarong shaphang kane ka jingjop jong ka kynhun bad u la ïaroh ïa ka rukom ïalehkai jong ka, da kaba ong ruh ba ki la pynitynnad shuh shuh ïa kane ka lympung ïalehkai da kaba ïoh jingjop ha baroh ki jingïalehkai.
