Shillong, Jylliew 30
Ka South Garo Hills district kawei na ki district kaba dang kham shadien ha kiba bun ki liang, mynta kan ïoh ïa ka shlem treikam Distri-bution Division jong ka Meghalaya Power Dis-tribution Corporation Limited (MePDCL) da kaba kynriah noh na Williamnagar ha East Garo Hills district sha Baghmara ha South Garo Hills Kane ka la urlong hadien 32 snem namarba la pynkha ïa ka South Garo Hills kum ka district ha u snem 1992. Baroh shikatta, ka Distribution Division jong ka South Garo Hills district ka don beit ha Williamnagar kaba dei ka district headquarter jong ka East Garo Hills district.
Ka jingrah noh ïa ka shlem treikam sha Baghmara ka la wan lyngba ka jingpynbna kaba la pynmih lyngba u Superintending Engineer, East Garo Hills Distribution Circle, MePDCL, Williamnagar, u J K R. Sangma ha ka 27 tarik mynta u Jylliew. Ha kine ki phew snem, ka jingshakri jong ka Distribution Division ka ïaid beit na Williamnagar wat lada ka Baghmara ka la don la ka jong ki jaka kiba dei ban peit ban khmih. Kumta lyngba kane, la pynbna sha ki nongpyndonkam bording ilektrik bad ki paid nongshong shnong ka South Garo ba naduh ka 1 tarik mynta u Jylliew, 2024 ka shlem treikam jong ka Distribution Division ka MePDCL ka la kynriah noh na Williamnagar sha Baghmara bad ka shlem treikam kaba thymmai jong u Executive Engineer ka South Garo Hills Distribution Division, MePDCL ka don ha Dabitbibra, Baghmara, South Garo Hills, Pin No – 794102.
