Shillong, Jylliew 30
Ka jinghap slap ha ka Sngi U Blei ka la long jan baroh shisngi bad ha ka por mynmiet, u slap u la nang jur bad wanrah ka jingsyier ïa ki nongshong shnong khamtam ha ki jaka kiba long synjor bad kham sharing namar ka lah ban jia ka jingtwa.
Katkum ka jingïathuh lypa ka tnat kaba peit ïa ka jinglong ka suiñbneng ka India Meteorological Department (IMD), la ong ba kan don ka jinghap lyoh bad thaba ‘leilieh ha kaba kan don ka jinghap slap kaba jur ha kiba bun ki jaka ha ki san tylli ki district kiba kynthup ïa ka Eastern West Khasi Hills, East Khasi Hills, South West Khasi Hills, West Jaiñtia Hills, West Khasi Hills ha ki 24 kynta ban sa wan.
Kumta ka State Disaster Management Authority (SDMA) ka la kyntu ïa ki nongshong shnong ban long kiba husiar namar kane ka jingjur slap kaba dang bteng ha kylleng ki jaka.
Lah ban pynkynmaw ba bun ki jaka ki la sakhi ka jingtwa ha kylleng namar ka jingjur slap ha ki por ba la dep.
