Shillong, Jylliew 30
Ka Hockey India ha ka sngi Saitjaiñ ka la pynbna ïa ka thup ki 33 ngu tki ‘thei ïalehkai ka ri na ka bynta ka prokram kilanmet kaba ar bnai ha SAI center ka ban sdang naduh ka lah sngi U Blei.
Kane ka kynhun ïalehkai ka la sangeh shipor hadien ba ka la shah rem ha baroh ki jingïakhun jong ka FIH Hockey Pro League kaba la long ha London bad ha Antwerp.
Kumba ka paw ka India ka la mad ïa ka jingshah rem ha baroh saw sien ïakhun pyrshah ïa ka Belgium bad ka Argentina ha Antwerp ha u bnai ba la lah bad hadien ka la shah rem sa ha ka Germany (1-3) bad ha ka Great Britain (2-3) ha London.
“Dangshen ngi la leit sha Antwerp and London na ka bynta ka Europe leg jong ka Pro League, bad kane ka paw ba kam shym la long ka thong ïa ngi bad kum ka kynhun ngi la ïoh shibun ki jingmyntoi,” la pynpaw u coach u Harendra Singh ha ka kyrwoh.
“Ha manla ki jingïakhun ngi la tam bad hynrei hadien ngi la ïai pyrshang ban ïoh thep kol na ka bynta ban pynïakhaid. Te kumta thikna ba ka kynhun ki ‘thei ïalehkai ka ri ki danglah ban ïalehkai bha ha ka lawei ka ban wan.”
Kane ka prokram kilanmet kan kut haduh ka 31 tarik u Nailar mynta u snem.
Ki 33 ngut ki ‘thei ïalehkai ka ri kiba la shah jied ban ïashim bynta ha ka prokram kilan met ki long
Goalkeeper: Savita, Bichu Devi Kharibam, Bansari Solanki & Madhuri Kindo.
Defender: Nikki Pradhan, Udita, Ishika Chaudhary, Monika, Ropni Kumari, Mahima Choudhary, Jyoti Chhatri & Preeti.
Midfielder: Salima Tete, Marina Lalramnghaki, Vaishnavi Vitthal Phalke, Neha, Jyoti, Edula Jyoti, Baljeet Kaur, Manisha Chauhan, Akshata Abaso Dhekale & Ajmina Kujur.
Forward: Sunelita Toppo, Mumtaz Khan, Lalremsiami, Sangita Kumari, Deepika, Sharmila Devi, Navneet Kaur, Deepika Soreng, Preeti Dubey, Vandana Katariya & Rutuja Dadaso Pisal.
