Shillong, Naitung 01
Ka lympung ïalehkai ba la tip kum ka Assam Rifles Sentinels Cup 2024 ka la sdang ha ka Lah Sngi U Blei ha ARTC & S, Dimapur ha kaba la wan ïashim bynta da phra tylli ki kynhun ïalehkai kiba la mihkhmat na ki kynhun shipai kiba don ha ka thaiñ shatei lammihngi.
Kine ki kynthup ïa ka Black Dynamite (Meghalaya), Patkai Warriors (Arunachal Pradesh), Panthers FC (Mizoram), Viswema FC (Nagaland), Vikings FC (Manipur), DGAR, 164 TA (H&H) bad ka 165 TA (H&H).
Ka jingthmu jong kane ka lympung ka long ban kyntiew ïa ka mynsiem ïalehkai bad ban don ka jingïajan hapdeng jong ki bad ruh ha ka imlang sahlang.
Shwa ban sdang ïa kane ka lympung, baroh ki kynhun ki la shim ïa ka jingbam smai, ka jingtep jingput jong kane ka kynhun shipai, ki jingshad na ki nongshong shnong bad ruh ka jingpyni ïa ki rukom tynrai jong ka thaiñ shatei lammihngi. U kongsan ha kane ka sngi u dei u Major General Manish Kumar, SM*, IGAR (N) bad ban plie ïa kane ka lympung.
