Shillong, Naitung 01
U nongïalam ka BJP u Bah AL Hek u la ong ba ka BJP kan sei kyrtong beit ha ka ilekshon MLA shiteng samoi ha Gambegre konstitwensi bad u la bynrap ba ka Congress kan nym lah ban khie khlieh wat lada ka la jop ha ka ilekshon MP na Tura Parliamentary konstitwensi.
U Bah Hek u la ong ba u la dep ban ïakren bad ki nongïalam ka BJP ba donkam ban sei kyrtong ha ka ilekshon shiteng samoi bad la mynjur ba ka seng kan ïakhun ha kane ka ilekshon.
U la ong ba haduh mynta ym pat don mano-mano ba phah kyrteng hynrei ki don kiba la sawa kyrteng ha kaba yn sa jied ynda la dei ka ilekshon.
Haba kylli la ka Congress kan wanphai biang kum ka seng kaba khlaiñ khamtam hadien ka jingjop ha ka ilekshon MP na Tura konstitwensi, u Bah Hek u la ong ba ka Congress kan nym lah khie khlieh namar ka ilekshon ka ïapher ha ka ilekshon MP bad ilekshon MLA.
