Japan, Naitung:
Ha kane ka khubor, la ong ba ka aïom kiew lum Fuji ha kane ka Lyiur ka la sdang ha ka sngi Nyngkong da ki lad ki lynti kiba thymmai ban tehlakam ïa ka jingwan jngohkai pyrthei ba palat ha ka lynti kaba pawnam tam jong u lum mawsiang jong ka Japan.
Kumta, la ong ba ka tnat ba dei khmih ha katei ka kam jngoh kai jong ka Japan, ka la buh ia ka bai rung kaba 2,000 yen ($13) ryngkat bad kumjuh ka pisa noh synñiang katba ki nongleit jngoh kai ki lah ban noh haba ki leit ban rung ne leit sha katei ka lynti ïaid Yoshida bad la ong ba ki poi da ki hajar tam kiba leit ban rung sha katei ka jaka jngoh kai man la ka sngi.
La buh ruh ïa ki kyndon ha une u snem da ki bor pyniaid ka Japan namar ka jingsngewkhia halor ka jingshngaiñ bad ka jingpynjot ïa utei u lum ba jrong tam jong ka Japan.
Ka Chetna Joshi kaba l ong ka nongleit rung sha katei ka jaka, ka la ong “Nga sngewtynnad shisha ïa katei ka jingmut namar lada phi burom ïa u lum, phi hap ban khanglad ïa ki briew ba kin pynjot ne pynjulor”.
La don sa uwei pat u nong India uba la ïa nujor ïa ki paidbah kiba ju leit poi sha utei u Lum Fuji ha kine ki snem ba la dep bad ka “jingkhapngiah bad jing jrong laiñ” jong ki nongkiew lum ha jrong jong u Lum Everest.
Watla ka lyer bad ka jingther slap ha ka sngi Nyngkong ka la khanglad ïa ki nongleit jngoh kai ban poi sha ka tduh, u Joshi u la ong ba ka jingiaid lynti ha katei ka sngi ka long kaba khraw.
Namar la ong ba ki paidbah nongjngohkai pyrthei kiba ju sngewtynnad ban leit shangkai pyrthei, ki la leit ban tuid sha Japan hadien ba la lait na ki snem ka jingpang khlam Covid-19, ha kaba bun ki thrang ban leit peit kai bad kiew ïa utei u lum Fuji.
Watla utei u lum u dei u ba ju sop thah jan baroh shi snem hynrei u long uba khring pat ia ki nongkiew lum bad kik nongshangkai pyrthei ha kaba ki ju don palat 220,000 ngut ki nongleit jngohkai man ki por kiew lum ha ki bnai Jylliew- Nailur.
