Itanagar, Naitung:
U Lamphang barim jong ka Arunachal Pradesh Legislative Assembly u Pasang Dorjee Sona u la leit jngoh ïa ki jingtei kiba dang bteng mynta ha ka jaka kaba thymmai jong ka DK Government College ha Tawang ha kine ki khyndiat sngi ba la leit kata ha ka Sngi U Blei. U la pynpaw ka jingsngew shaphang ka jingpyntreikam ïa kane ka Project bad ong ba kan sa ai jingmyntoi hadien habud ïa ki khynnah pule.
“Lada la lah ban pyndep ïa kane ka jaka ai jinghikai ka jingmyntoi kan sa long na ka bynta ki khynnah pule,” la ong u Sona. U Sona u la leit jngoh ïa ka jaka treikam jong ka 2nd Arunachal Pradesh Battalion, National Cadet Corps (NCC), kaba don ha Tawang. Ha kane ka jingleit jong u, u la ïakren bad ki heh ba dei khmih ha kane ka jaka, ha kaba ki la ïakren sani bha ha kaba ïadei bad ka jingpyntreikam ïa ka projek bad ki jingdonkam ki ban lah ban pynïaid shakhmat ïa ki rukom pyntreikam jong ka NCC ha kane ka thaiñ.
