Shillong, Naitung 02
Ar ngut ki ‘thei ïalehkai chess ka Jylla kiba kynthup ïa ka Preety Karki Thapa bad ka Kong Sumar Selon Ki Lamin Khonglah ki la lah ban pyndep ïa ka kyrdan kum ki nongbishar (Senior National Arbiter & FIDE NA License).
Kane ka la wan urlong hadien ba ki la lah ban pyndep ïa ka eksamin tang ha ka jingpyrshang kaba nyngkong ha ka Senior National Arbiter (SNA) Seminar and Examination kaba la long ha Guwahati Downtown Hos-pital Auditorium kaba ha Assam ha ka 21 bad 22 tarik u Jylliew mynta u snem. Napdeng ki 41 ngut kiba la ïashim bynta na kylleng jong ka ri, 29 ngut ki la pass ïa kane ka kyrdan.
Halor kane ka jingjop jong kine ‘thei ïalehkai ka Jylla, na ka liang ka Meghalaya Chess Association ka la pynpaw ka jingsngewsarong halor ka jingjop jong kitei ki nongïalehkai.
