Agartala, Naitung:
U Myntri Rangbah jong ka Tripura u Manik Saha u la ong ba ki la don kumba 165 tylli ki shnong kiba la don duna bha ki khynnah skul ha kaba la rai ba ïa kine ki skul yn sa pynïasoh noh bad kiwei pat ki skul ba marjan.
Ka State Education Department ka la dep ban khmih bniah lypa ha kaba ïadei bad kane ka bynta bad ka la nang bteng ban pynlong ïa ka jingleit jurip bniah ïa kum kine ki skul ha kaba ki la don tang khyndiat ngut ki khynnah.
“Kumba la ïohi jngai, la ong ba ka jingdon jong ki khynnah bad ki nonghikai ha ki skul ba dei khmih da ka sorkar kam ym wanrah ïa ka jingsei soh ha kum kine ki jait skul. Kumba la sakhi, la ong ba ka jingdon jong ki skul ha ka jylla ki la mih kumba mih tit bad kane ka dei na ka daw jong ki rukom synshar. Ngi la dei ban pyntikna ba ïa ka jingnang jingstad la dei ban pynïoh sha ki khynnah da kaba lah ban kham pynduna ïa ki skul kiba don ïa khyndiat eh ki khynnah pule,” u la ong ha ka jingïakren bad ki nongthoh khubor.
“Kumba la ïoh jingtip, la ong ba ki la don katto katne tylli ki skul kiba don tang saw ngut ki khynnah bad tang arngut ne lai ngut ki nonghikai. Ka jinglah ban pyndam ïa kum kine ki skul kan sa ai jingmyntoi ïa ki khynnah skul. Ha kaba ïadei bad ka jingduna jong ki nonghikai la thmu ban ïakren na ka bynta ban lah ban pynbiang ïa ki katkum ka jingdon jong ki skul bad ki khynnah skul,” u la bynrap.
U Saha u la ong ba ki la don kumba 165 tylli ki skul kiba duna bha ki khynnah ha kaba ïa kine yn sa pyndam noh bad ban pynïasoh bad kiwei pat ki skul ba marjan.
