Shillong, Naitung 02
Ka Meghalaya Chess Association kan pynlong ïa ka lympung ïalehkai chess na ka bynta kiba la 50 snem shaneng ba la tip kum ka 1st Meghalaya State Level Senior (Above 50) Chess Championship 2024 ha ka sngi rakhe ïa ka International Chess Day ha ka 19 bad 20 tarik mynta u bnai ha Youth Hostel, Shillong.
Ïa kane ka jingïakop yn kyrshan da ka tnat ïalehkai jong ka Sorkar Jylla bad ka khusnam na ka bynta ki nongjop kan long T. 16,500.
Ki nongjop ki ban wan ba nyngkong kin ïoh T. 5000, ba-ar T. 3,500, balai T. 2500, basaw T. 2000 bad basan T. 1000. Ki ban ïoh ïa ka nam Best Above 60 kin ïoh T.1500 bad T.1000.
