Shillong, Naitung 03
U Hardik Pandya u la jam ar kyrdan na ka bynta ban ïasoh lang bad u rangïalehkai ka Sri Lanka u Wanindu Hasaranga na ka bynta ban jam sha ka kyrdan ba nyng-kong napdeng ki all rounder ha ka T20I.
Une u rangïalehkai u la lah ban pynpaw ïa ka jingtbit khamtam eh ha ka jingïakhun final hadien ba u ïoh pynhap wiket ïa u Heinrich Klaasen bad u David Miller, kiba long ki nongtied kiba kynsai jong ka South Africa.
Kumta u Pandya mynta u la long u rangïalehkai ba nyngkong eh jong ka ri ban kynjoh sha ka kyrdan ba nyngkong eh. Lyngba katei ka lympung, u Pandya u la lah ban noh synñiang ha ka liang ban tied bad bol.
Une u rangïalehkai u la lah ban tied 144 run bad shim 11 wiket ha kane ka lympung T20.
Ka jinglah ban ïalehkai bha ha ka jingïakhun final, ha kaba u la lah ban pynhap wiket ïa u Klaasen na ka bynta ban pynïoh jingkyrmen ïa ka India. Ha kaba kut ka over, u Pandya u la lah ban pynurlong na ka bynta ban kynjoh sha ka thong wat la ka South Africa ka dang donkam sa tang 16 run na ka bynta ban rah ïa ka jingjop bad ha kaba kut u la lah ban pynurlong na ka bynta ban pynlong ïa ka India ban rah ïa ka nam lahduh ha ka T20 World Cup.
Ha kawei pat ka liang ki rangïalehkai kiba don ha ka thup shiphew jong ka T20I (all-rounder rankings), kata u Marcus Stoinis, Sikandar Raza, Shakib Al Hasan bad u Liam Livingstone ki la jam mar shi kyrdan. Katba u Mohammad Nabi u la shah pynhiar saw kyrdan na ka bynta ban don ha ka thup ba san.
