Hooid ha pyrthei ngi lah ban long kiba riewspah kiba don ba em, kiba heh kyrdan kum kiba ïoh PhD, Engineer bad ki Nongïalap niam bakhraw. Hynrei ym don jingmyntoi ei ei tang shipor ïa ka met jongnga jongphi yn thep hapoh ka synduk, yn leit tep hapoh khyndew. Ki nongïalam niam bapher bapher kum ki Pastor, ki Phadar bad kiwei kiwei ruh kin ngat ha kajuh ka apot ha khmat u Blei.
Ym don ba ïoh kyrpang ïa ki long ki jaid ba khraw ne ki jait bapoh ha khmat U Blei. Baroh ngi ïa ryngkat kyrdan ha ka Hima u Blei. Kiba riewspah ne kiba duk kim don jingpher ha ka hima u Blei. Ka don ka jingïapher tang hangne hapoh pyrthei. Shano kiba stad jong kane ka pyrthei, shano kiba riewspah kin leit, shano kiba sarong bad kiba hangamei kin leit. Shano ki nongmane Blei kin leit. Shano ki Syiem ki Patsha kin leit. Ym don ba shong liengsuiñ kyrpang ha ka hima U Blei. Baroh ngin leit thylli lyngkhuit kumba ngi wan lyngkhuit. Kane ka long ka jingim jongngi ki briew hangne ha sla pyrthei.
C. B. Iawphniaw
