Paris, Naitung:
Ki pulit ka France ki la pyntip ba 3 ngut ki la duh noh ia ka jingim na ka jingleit hap bakla ka liengsuiñ rit sha ka phang Mihngi jong ka nongbah Paris kaba la jia ha kane ka Sngi U Blei.
Ki pulit ki iathuh ba katei ka liengsuiñ kam shym la tyngkhuh bad ki kali kiba don ha katei ka surok A4 Motorway kaba hap hapoh ka phang Mihngi jong ka Noisiel ha Paris. La ong ba katei ka liengsuiñ ka la leit rat beit-beit ia ki sainar ilektrik kiba don ha katei ka jaka, ha kaba ki bor pyniaid ki la hap ban pynsangeh bad khang noh ia ka leit ka wan lyngba katei ka surok ha katei ka sngi.
Ia kitei kiba khlad ki pulit kim pat shym la pynpaw kyrteng hynrei la shu tip ba ki dei kitei kiba shong hapoh jong katei hi ka liengsuiñ bad kiba leit ngat ha katei ka jingjia kaba sniewbok ha katei ka sngi.
