New Delhi, Naitung:
Katkum ki khubor, la ong ba u Steve Ballmer u la ioh knieh ia ka kyrdan jong u Bill Gates ha ka Lah Sngi U Blei ban long u briew ba hynriew na ki heh spah kiba riewspah tam ha ka pyrthei. Kane ka long ka sien ba nyngkong eh ia une u heh barim jong ka Microsoft Corp. ba un poi ha kane ka kyrdan hapdeng ka jingiaid lynti jong u baroh shi katta jong ki phew snem ba la leit.
Kane ka long hadien ba ki kam-ki jam ka Micro-soft ki la kiew stet bha bad ioh ruh ia ka rekod kaba thymmai. Ka jingkiew baroh jong kane kompeni mynta u snem ka la kynjoh sha ka 21%. Ka kompeni, lyngba ka jingiatreilang bad ka OpenAI, ka la long kawei na ki nong-ioh jingmyntoi kaba khraw tam na ka jingkiew jong ka jingstad thymmai kaba la pynlong ia ka iew die mar ka US ban kham kiew.
Palat 90% na ka jingdon jingem jong u Ballmer kaba long $157.2 billion, ka long na ki kam jong ka Microsoft, la iathuh kat-kum ka kaiphod na ka Bl-oomberg Billionaires In-dex. Ha kajuh ka por, u Gates, u la pynkylla bun jait ia ka spah jong u kaba long $156.7 billion: Kum-ba shiteng na ka spah jong u, la bat lyngba ka Cascade Investment, kaba la thaw da ka jingmih na ka jingdie stock jong ka Microsoft bad ka bhah. U don ruh ïa ka bhah kaba $21 billion ha ka kompeni pynkhuid jaboh ka Republic Servi-ces Inc. lyngba ka Cascade.
Hynrei la ong ba u Gates, 68 snem ka rta, u la nang pynduna suki- suki ia ka spah jong u lyngba ki kam leh bha. Ryngkat bad ka tnga barim jong u, ka Melinda French Gates bad u paralok u Warren Buffett, u Gates u la pynlut da ki klur tyngka na ka pisa shimet jong u ban tei ïa ka Gates Foundation kaba long $75 billion, kawei na ki seng ai jingïa-rap kaba heh tam ha pyrthei. Naduh ba ki la sdang ïa kane ka seng palat arphew snem mynshwa, u Gates bad ka tnga barim jong u ki la ai haduh 60 klur tyngka na ka spah shimet jong ki. Ka French Gates dang shen ka la hiar shuki kum ka co-chair jong katei ka seng bad ka la ioh $12.5 billion ban pyndonkam na ka byn -ta ki jong ki kam lehbha.
Ha u snem 2010, u Gates, u French Gates bad u Buffett ki la seng ruh ia ka Giving Pledge, ka seng kaba pynshlur ia ki briew kiba riewspah tam ha ka pyrthei ban ai noh ia kaba bun na ka spah jong ki ha ka jingim jong ki ne ha ka mon jong ki. U Ballmer, uba 68 snem ka rta, u bym shym la soi ïa ka Giving Pledge, u don la ka jong ka kam lehbha hynrei um pat lah ban kot ia ka spah bad ka kyrdan jong u Gates.
U Gates u la seng ia ka Microsoft ryngkat bad u paralok jongu u Paul Allen ha u snem 1975 bad u la pyniaid ia ka haduh u snem 2000.
