Haba peit thuh ïa ka jingmih jong ka result MP Elekshon, 2024 ha ki Jylla bapher bapher hapoh ri India ka pyni/kdew shai ba ka jingïaleh ha ki elekshon nangne shakhmat kan dei beit hapdeng ka seng BJP bad ki Regional Party. Ka seng Congress ka dang shim por slem ba kan ïoh jingshaniah pura hapoh ka sorkar pdeng ban ïoh knieh ïa ka jingbun paid tang shi seng. Ha u snem 2029 lah ban ïoh bat biang ka BJP ne ki seng Regional Party kiba don ha ki Jylla bapher bapher lada ki ïa tylli ban ïakhun pyrshah ïa ka seng heh BJP kaba long ka National party kaba synshar mynta ha Delhi. Namar ha kiba bun ki Jylla ka BJP ka dang tam bun ïa ka Congress khlem dakheiñ ïa kiwei kiwei ki seng National/Regional party kiba synrop bad ka Congress ne ka BJP ruh. Ka Congress ka dang tlot bun ha ki Jylla kum ka Madhya Pradesh, Odisha, Gujarat, Assam, Kartanaka, Delhi Uttarakhand, Jharkhand, Chhattisgarh, Hima Pradesh, West Bengal, Tamil Nadu, Uttar Pradesh, Rajasthan, Andhra Pradesh bad kiwei kiwei. Ka seng Congress ka khlaiñ tang ha Jylla Kerala bad jop 10 seat na ka 20 seat. Kane ka long ka jingshim ïa ka jingmih ka result ha kane ka Elekshon MP ba la dep.
C. B. Iawphniaw
