Guwahati, Naitung:
Ka jylla Assam ka dang shah ktah jur na ka jingshlei um ha kaba ki la don sa 8 ngut ki briew kiba la ïap bad kane ka la pynkiew ïa ka jingdon jong kiba la ïap na kane ka jingjia sha 46 ngut ha une u snem.
Ha ka janmiet jong ka Sngi Balang, ka jingshlei um ka la ktah ïa 16.25 lak ngut ki briew ha kylleng ki 2800 tylli ki shnong jong 29 tylli ki distrik.
Ki distrik Nagaon bad Darrang kiba don ha ka bynta ba marpdeng jong ka Assam, ha ryngkat ka Karimganj ha ka them Barak, ki la long ki distrik kiba la kham shah ktah jur na ka jingshlei um.
