Shillong, Naitung 04
Ki pulit jong ka Anti-Narcotics Task Force (ANTF) East Khasi Hills Shillong ki la ïoh ban kem noh ïa hynriew ngut ki briew na ka thaiñ Mawïong, bad ruh ban ïoh kurup ïa u drok ryngkat ka pisa bad kiwei ki tiar na ka met jong ki.
Na kine ki briew ba la ïoh kem, ki pulit ki la ïoh ban kurup haduh san tylli ki synduk buh sabon ha kaba la thep bha ïa u drok ‘Heroin’ uba don ka jingkhia haduh 64.1 gram.
Kine ki briew kiba la shah kem ki dei ba la tip kyrteng kum u Shanborlang Khongwir (32 snem) na Mawlai Mawïong, u Bringson Kharumlong (35 snem) na Mawlai Mawtawar, u Kitboklang Nongsiej (29 snem) na Mawlai Umrynjah, u Return Dhar (40 snem) na Mawlai Nongmali-III, u Wanlambok Lyngdoh (25 snem) na Mawpat bad u Richard Marbaniang (24 snem) na New Nongstoiñ.
Nalor u drok ba ïoh kurup na kine ki briew, ki pulit ki la kurup noh ïa ka pisa kaba don haduh T.1.29 lak, hynñiew tylli ki mobile phone, kawei ka kali Maruti Car kaba don ïa u nombor ML05-E-8363, ka bike Yamaha R15 kaba don ïa u nombor ML05-AC-9261.
