Shillong, Naitung 04
U Additional Director of Health Services, Civil Hospital, Shillong u la pyntip ba la wanrah ïa uwei u nongpang uba la don kumba 49 snem ka rta da ka 108 Nongpoh Ambulance bad la pynthiah ïa u ha ka kamra ICU ha ka 25 tarik Jylliew, 2024 ha ka por 1:01 mynsngi. Hynrei une u nongpang u la khlad noh ha ka 2 tarik Naitung, 2024 ha ka por 4:41 janmiet.
Namarkata, la ai jingtip sha ki bahaïing hasem jong utei u rangbah ba kin leit shimti noh ïa ka met kaba sah jong u na Civil Hospital, Shillong hapoh lai sngi, bad lada ym don ba wan kam, yn aiti noh sha ka Shillong Municipal Board ban leh ïa kaba donkam.
