Shillong, Naitung 05
Ki nongïalam ba halor jong ka Bharatiya Janata Party (BJP) ki la thung ïa u National Secretary bad nongaiktien ka seng, u Anil Antony kum u nongïalam bathymmai (Prabhari) ban khmih ïa ka Meghalaya bad Nagaland – ban bujli ïa u National Vice-President ka seng, u Chuba Ao, uba la shimti ïa kane ka kam naduh u Naiwieng jong u snem 2020.
U Antony u dei u khun jong u nongïalam ba rangbah ka Congress bad Myntri barim ka tnad Ïada Ri, u A.K. Antony.
U Antony, uba la pynïasoh bad ka BJP ha u Ïaïong, 2023, u la shah rem noh ha kane ka ilekshon ba la dep sha ka Lok Sabha na Pathanamthitta konstitwensi, Kerala bad wan ba-lai.
U Antony u dei u Coordinator ka Social Media jong ka Congress, Kerala uba la ieh noh kam na ka Kerala Pradesh Congress Committee (KPCC) da kaba pyrshah ïa ka ‘documentary’ jong ka BBC halor ka jingkulmar ha Gujarat da kaba pynïasoh ïa ka bad u Myntri Rangbahduh ka ri, u Narendra Modi.
