Shillong, Naitung 05
U nongïalam jong ka United Democratic Party (UDP) u Bah Paul Lyngdoh u la ong ba ka Hill State People’s Democratic Party (HSPDP) kan dang don hapoh ka kynhun Regional Democratic Alliance (RDA) hynrei ha ka ilekshon MDC ka la pynpaw ba kan sa ïakhun hi la ka jong. U Bah Paul u la pynpaw ïa kane ha ka Sngi Thohdieng hadien ba u la pynpaw ba ka don ka jingpynsngew na ka HSPDP ba ka lah ban nym donlang shuh ha ka kynhun RDA.
U Bah Paul u la ong ba na ka liang ki nongïalam ka HSPDP ki la pynpaw ba ka RDA kan dang don kum ka kynhun jong ki ar tylli ki seng hynrei kaei kaba ki kwah ka long ba ha ka ilekshon MDC kin ïakhun hi la ka jong khlem da donkam ban ïaid lang hapoh ka shatri jong ka RDA.
