Jowai, Naitung 05
Ki pulit jong ka West Jaiñtia Hills District ki la ïoh tam ïa ka met jong iwei i khyllung ba dang kha.
Katkum ka khubor na u Superintendent of Police, West Jaiñtia Hills District, la ong ba ïa ine i khyllung la ïoh tam ha ka 2 tarik Naitung ha ka por 11.00 baje mynstep ha surok pohshnong ha Bakur Khliehshnong.
Ha kaba ïadei bad kane ka jingjia, ki pulit ki la pynlong ka jingtohkit bad kim pat lap satia ïa ka kmie bad u kpa jong ine i khyllung.
Ki pulit ki la shimti ïa ine i khyllung bad la buh ïa i ha Jowai Civil Hospital, Ïalong hadien ba la pyndep ïa ka ‘Post-Mortem’.
Shuh shuh u SP u la pyntip ba la pynngat mukotduma ha thanat Dawki katkum ka Case No. 12(7) 2024 hapoh ki kyndon ka 94 BNS, 2023.
U SP u la kyntu ïa ki kmie ki kpa kumjuh kiba don jingïadei bad ine i khyllung ban wan kam ïa ka metïap jong i da kaba ‘phone’ ha kine ki nombor: Dawki PS- 9402303222/ 9862370673, Jowai PCR NO- 9774065467/03652220782.
