Shillong, Naitung 05
U Myntri Rangbah ka Jylla, u Conrad K Sangma u la leit jngoh ïa ki jaka kiba shlei um bad kiba la shahktah ha ki jaka madan jong Rilum Garo ha ka Sngi Thohdieng.
Ha kane ka jingleit jngoh ïa ki jaka kiba shahktah namar ka jingshlei um, la synran lang ïa u Myntri Rangbah da u MLA ka Selsella u Arbinstone D Marak nalor ki ophisar na ki tnat treikam bapher bapher ha kaba la sam ruh ki jingïarap sha kito kiba shahktah ha ki katto-katne ki jaka.
Ha kine ki khyndiat sngi la sakhi ïa ki jaka kiba long madan ha Rilum Garo ki la mad ïa ka jingshlei um hadien ka jingther u slap uba jur ha kine ki khyndiat sngi.
La ïathuh ba ki jaka kiba kham shahktah ki long ka Silkata, Namabila bad Haripur.
