Shillong, Naitung 05
U nongaiktien ka Voice of the People Party (VPP) Dr. Batskhem Myrboh u la pyntip ba ka seng kan leit lut sha baroh 36 tylli ki konstitwensi ban leit ai khublei ïa ki paidbah kiba pynjop MP ïa u kyrtong ka seng u Dr. Ricky AJ Syngkon.
U la ïathuh ba kane ka jingai khublei kan sdang lashai ka Sngi Saitjaiñ ka 6 tarik Naitung 2024 ha Mawkynrew konstitwensi.
U la ïathuh ba kam don kano-kano ka jingthmu ne ki daw ban sdang shwa na Mawkynrew hynrei ka dei ka jngpynbeit jong ka seng.
Shuh shuh u la pyntip ba lashai ka sngi u Dr. Ricky Syngkon un don lang ban ai jingkren ha Mawkynrew hynrei ha kiwei ki konstitwensi u lah ban don ne u lah ban nym don namar ka dorbar Parliament ka la sdang.
U la ïathuh ba ha kine ki konstitwensi ka seng kan pyrshang ban leit ka jingïalang tang kawei ka jaka ha kawei ka konstitwensi khnang ban ïoh pyndep kham kloi.
