Shillong, Naitung:
Ka Amazon India mynta ka sngi ka pynbna ïa ka thup ba 8 jong ka Prime Day ka ban sdang ha ka 12 baje mynstep jong ka 20 tarik, u Naitung bad yn kut ha ka 11.59 mynmiet ka 21 tarik, u Naitung. Kane ka jingrakhe ba ar sngi ha India kan sa ai ïa ki Prime member ba kin ïoh lad ban mad ïa ka jingkmen, ïohlad ban thied ïa ki tiar kiba har rukom, ki jingpynbyrngia kiba pawnam, ki jingïohnong, bad bun kiwei de. Naduh ki Smartphones, ki TV, ki tiar, ki riam ki beit & jingpynbhabriew, Marbam & ki tiar pyndonkam man ka sngi, ki tiar ka Amazon, tiar ïing & tiar shet, ki jingbuh jingsat haduh ki tiar ba pyndonkam man ka sngi, bad shibun kiwei pat, ki Member kin ïoh thied ruh ïa ki tiar kiba dang shu pynmih, ki dor kiba ym pat ju ïohsngew, ki jingpynbyrngia kiba bha tam bad ki jingïohnong. Kane ka jingrakhe ba ar sngi ha India kan ai ruh ïa ki Prime Member ba kin ïohmad ïa ka jingkmen, ïohlad ban thied ïa ki tiar kiba har rukom, ki jingpynbyrngia kiba pawnam, ki jingïohnong, bad bun kiwei de. U Akshay Sahi, u Director bad khlieh nongïalam jong ka Amazon Prime, Delivery and Returns Experiences, India and Emerging Markets u ong, “Ka Prime Day ka dei ka jinglehkmen ïa ka jingñiewkor kaba ngi wanrah sha ki Prime Member jong ngi lynter u snem. Ngi sngewkmen ban tyrwa sha ki Prime Member ar tylli ki sngi jong ki jingdie bad jingïohnong bakhraw, ki hajar ki tiar thymmai ba dang shu pynmih na ki 450 ki Brand, ki jingpynbyrngia kiba bun bad shibun kiwei pat. Ym tang kata, ki Prime Member kiba thied na baroh kawei ka India kin ïoh mad ïa ka jingpynpoi ïa ki tiar ha kajuh ka sngi bad ha ka sngi kaba bud ban pynpoi ïa ki ha ki Million ki jait tiar”.
Ha kane ka Prime Day, ka Amazon kan bteng ban kyrshan ïa ki nongkhaïi kiba rit bad bapdeng (SMBs) bad ban tyrwa ïa ki Prime Member ïa ki tiar na baroh ki nongdie, nongshna, ki nongseng & ki Brand, ki nongseng kam kiba dei ki kynthei, ki nongshna kti, ki nongthaiñ, bad ki dukan shnong. Ha kane ka jingrakhe, ki Prime Member kin ïohlad ruh ban shem ïa ki jingdie ïa ki tiar ba kham kyrpang ha baroh ki jait kynthup ïa ki riam ki beit & jingpynbhabriew, tiar elektronik, bad ki tiar pynitynnad ïa ka ïing ka sem na ki nongdie hapoh ki prokram kiba bunjait kum ki dukan shnong ha Amazon, Launchpad, Saheli, bad Karigar.
Ha kane ka Prime Day, ka Amazon Music kan pynshohbieit ïa ki nongïeid jingrwai da ki Desi Vibes – ka Playlist ka ban pynsngew ïa ki jingrwai ba ïaid ïew ha ka ri India da ki nongrwai kum ka Jonita Gandhi, Vishal Mishra, Devi Sri Prasad, Armaan Malik bad bun kiwei de. Nalor kine, ka Amazon Music kan sa wanrah ïa ka Series ban pynkut- shiteng snem “2024 So Far” ka ban pynsngew ïa ki jingrwai, bad ki nongrwai kiba la bat ïa ka kyrdan hakhmat eh ha une u snem. Lah ruh ban sngap ïa ki Podcast ba phi sngewtynnad shitaïew shuwa ka First ha Amazon Music bad ha kiwei pat ki rynsan pynïaid kum ka “Be A Man Yaar Season 2” ba la shim bynta da u Imran Khan, Kartik Aryan, Hrithik Roshan napdeng kiwei pat, Cyrus Says da u Cyrus Broacha kaba la shim bynta da ki khlur bapawnam, Insta Love Season 2 bad shibun kiwei pat. Ki Prime Member ki lah ban sngap jingrwai khlem shah pynwit da ki byrta ïa palat 100 Million ki jingrwai ha ki 20 jait ki ktien, ki Podcast kiba thymmai bad ki Download kiba ym lah ñiew bad bathymmai, ki Prime Member kin ïoh ruh T. 150 Cashback* ha kane ka Prime Day.
Ka Amazon Prime ka la pynwandur ban pynlong ïa ka jingim jong phi ban kham suk man la ka sngi namar ka pynbiang ïa ki jingthied tiar kiba biang tam, ka jingïohnong, bad ki jingpynbyrngia ha kawei ka jinglong dkhot. Ha India, ki Member ki ïoh ka jingpynpoi tiar ha kajuh ka sngi ha ki 1M+ ki tiar bad shisngi ka jingpynpoi tiar ha ki 4M+ ki tiar, khlem kano kano ka jingbuh kyndon ba duna ha ka jingthied na ka bynta ki Member jong ngi lyngba ka Prime Membership, 5% ka Cashback ba khlem buh pud ha ki jingthied kiba la pyndonkam da ki ICICI Credit Card, jingïoh bynta ïa ki tiar kiba kyrpang, jingïoh nyngkong bad kyrpang ban thied ha ki ïew jingdie kynthup ïa ka Prime Day. Ka Amazon Prime ka ai ruh ïa ka jingïoh khlem buh pud ban ïoh peit ïa ki phlim kiba la ïoh khusnam & ki TV Show da ka Prime Video, jingïoh sngap ïa palat 100 Million ki jingrwai, khlem shah pynwit da ki byrta bad ki jingkren Podcast ha ka Amazon Music, ka jingïoh jied na palat 3,000 tylli ki E-books, ki makasin bad ki komik da ka Prime Reading bad ïoh lehkai ei shibnai khlem siew eiei ha ki jingïalehkai kiba don bad ki jingmyntoi da ka Prime Gaming. Peit ha ka amazon.in/prime ban shim bynta ha ka Prime mynta.
