Tura, Naitung 07
U nongïalam ka BJP bad MDC ka Tura, u Bernard Marak ha ka Sngi U Blei u la kynnoh ba ki nongshalan bad nongdie (NREGA) ki ju ot 50% na ka jingïoh kaba dei ban pynbiang ïa ki tiar ki tar na bynta ki kam jong ki nongshong shnong khnang ban siew sha ki nongïalam saiñ pyrthei bad katto-katne ki ophisar ka Block.
“La ju bna ïa kane ha kiba bun ki C&RD Block ha Ri-lum Garo. Katto-katne na ki nongshalan ki ong ba ki hap ban ot na ka jingïoh namar ki hap siew ïa ki nongïalam saiñ pyrthei bad katto-katne ki ophisar na kaei kaba la mang. Dei na kane ka daw ba bun ki shnong kim lah ban pyndep ïa ka kam ha ka por kaba biang,” la kam u Marak ha ka kyrwoh.
U la kyrpad ïa ki nongshong shnong kiba la shah ot 50-60% ha ki nongshalan bad nongdie ban pyntip mar-mar sha ka ophis jong u da kaba kular ban ujor ejahar pyrshah ïa kito kiba knieh noh ïa ka hok jong ki.
“Ngin pyntip sha ka ophis u Myntri Rangbah bad ki Deputy Commissioner halor kane,” u la ong.
