Shillong, Naitung 08
Ka Larisa Momin bad u Arki Dinlong ki la rah ïa ka nam ‘Best Lifter’ ka Bench Press Competition 2024 ba la pynïaid da ka Muscle Excel And Fitness Gym ha ryngkat ka jingïasnoh kti lang bad ka Meghalaya Powerlifting Association.
Ïa kane ka jingïakop rah nar kaba shi sngi, la pynlong ha ka sngi Saitjaiñ ha Bishnupur kaba ha Laban, Shillong.
Ha kane Ka jingïakop rahnar la wan ban shim bynta na kylleng ka Jylla shynrang bad kynthei bad ka long ruh shi bynta ban jied ïa ki nongïalehkai ki ban mihkhmat sha ka State Level ka ban sa long ha u Nailur mynta u snem (2024) ha nongbah Shillong .
Katba kiba la wan shakhmat ha ka liang ki shynrang ki long u Bah Javed Sohtun na Lumparing, Manbha Thangkhiew na Nongkseh, Anas Ryndongsngi na Umsning, Alias Basah na Laitumkhrah, Arki Nongsiej, Banshan Bareh, Prodeep Sunar, Kiron Biswa bad u Ashish Limbu. Katba ha ka liang ki kynthei kiba la wan shakhmat ki long ka Larisha Momin, Clarisa Marbaniang, Benita Lyngdoh Ninglait, Beriti Lymjieh, Magrida bad ka Deiphi.
La ai khusnam ruh Ia kiba la rangbah bha kiba wan shim bynta sha u Bah K. Nongrum bal a kot sha ka rta kaba 53 snem bad kumjuh sha u heprit ba rit tam bad handicap u S. Sharpa. Ha katei ka sngi la ïadon lang ki dkhot ka MPA kiba kynthup ïa u General Secretary Bah Franky Nongrum, Treasurer Bah Robin Kharnari, Vice President u Deep Phukan lem bad ki dkhot ka Muscle Excel And Fitness Gym. La sakhi lang da Mr. India (2007) u Gautam Kalita ryngkat ka jingdon lang u Sharma, National Referee jong ka Powerlifting India.
