Hynrei la jan baroh ki kam ki jam ki kynthei ki la leh lut kum u Rangbah. Ka dustur bud tynneng ha kano kano ka jaitbynriew ka don beit, hynrei kaba kham paw bha ka dei ha ka jaidbynriew Khasi jong ngi. Ki Khasi jong ngi ki kloi eh ban bud tynneng ïa kiwei ki dustur kaba dei jong kiwei ki jaitbynriew. Kum ka nuksa haba kren ai khublei ïano ïano ne ki paralok parajor kim ju kham ong khublei ki la ïa bud ia ka jing-ong u phareng ‘bye’ Ha ka riam ka biet ruh ki kynthei ki la leh lut kumba leh u shynrang kata kaba phong patlun, dih sikret, dih kiad, ïa kynjat bol kum u shynrang bad kiwei kiwei.
Hynrei tang u Neptai te ym ju kham ïohi ba ki deng ki kynthei. Ha ki jingïaseng niam ruh mynta ki kynthei ki la shim bynta ban kren bad ïalap ïa ka ktien U Blei, wat la ka Baibl ka ong ym bit ïa ki kynthei ban kren hapoh ka balang. Kumjuh hapoh ki dorbar shnong mynta ki kynthei ki kwah ban don bynta kum u rangbah.
Ha ka jingshisha ha ka dustur u Khasi ym bit ïa ki kynthei ban shong dorbar. Ha ka dustur Khasi mynshuwa ka kmie kam dei ka khlieh jong ka ïing. Hynrei mynta ka la long khlieh jong ka ïing. Kane ym dei ki knieh ïa ka iktiar u rangbah.
C. B. Iawphniaw
