Shillong, Naitung 08
Ar ngut ki nongïalehkai chess ka Jylla hapoh ka lama jong ka Meghalaya Chess Association (M.C.A) ki la lah ban wanrah burom da kaba khur jingjop ha ka lympung ïalehkai chess ba la tip kum ka “1st Guwahati Smart City International Open FIDE Rating Chess Tournament 2024” kaba la sdang naduh 2 haduh 7 tarik mynta u bnai ha nongbah Guwahati.
Kine ki kynthup ïa u Raslak Upadhaya na Garo Hills uba la wan ba nyngkong ha ka 1400-1550 Rating Category bad u Advitiya AG na East Khasi Hills uba la wan ha ka kyrdan ba-ar ha ka Under- Rating Category.
Ka kum ka kyrwoh ba la pyllait da u General Secretary u Bah K. Pajat, u la pynpaw na ka liang ka synjuk ka la pynpaw ka jingsngewsarong halor ka jinglah ban pynpaw ïa ka sap ïalehkai jong ki bad kyrmen ba ki nanglah ban ïalehkai bha ha ki jingïakop ki ban dangwan.
