Shillong, Naitung 10
Ka Kynhun Myntri jong ka Sorkar Jylla ka la mynjur ban buh da ka dor ïa ka jaka ha New Shillong Township (NST) ha Mawkhanu lada ai sha ki tnat treikam ka Jylla bad Sorkar Pdeng bad ka jingai jaka ka dei lyngba ka soskular kaba bun snem (long term lease).
Haba ïathuh ïa kane hadien ba la wai ka jing-ïalang ka Kynhun Myn-tri, u Myntri Rangbah u Conrad K Sangma u la ong ba ki dang don ki jaka kiba dang lait ha Mawkhanu.
U la ong ba ki jaka ki don ha la kajong kajong ka rukom kheiñ dor na ka bynta ki tnat treikam bapher bapher ka Jylla bad ka Sorkar Pdeng.
Ha kawei pat ka liang, ka Kynhun Myntri ka la ai jingmynjur ban pynduh noh ïa ka Meghalaya Housing Board bad ïa ki nongtrei yn ai da ka skhim shongthait mon sngewbha.
U Myntri Rangbah u la ong ba kane ka dei rai kaba sahteng la slem bha kaba la palat 10 snem bad ki nongtrei ki don 18 ngut ki ban shim ïa ka skhim shongthait ha kaba ka jinglut kan long kumba T.7.42 klur.
