Shillong, Naitung 10
Ka prokram wad khynnah ïalehkai kiba don ïa ki sap ba kyrpang hapoh ka Khelo India Rising Talent Hunt (KIRTI-MyBharat) Program kan long ha ka 12 bad 13 tarik mynta u bnai ha Maharam Govt. Higher Secondary School kaba ha Mawkyrwat, South West Khasi Hills.
Ka jingthmu jong kane ka prokram ka long ban jied ïa ki khynnah ïalehkai ha ka Athletics, Archery & Football ha ka liang ki shynrang bad kynthei ba kin ïoh ïa ka lad ban shah pyntbit ha ki shlem ai jinghikai ba kyrpang kiba don ha kylleng jong ka ri India.
Kat kum ka kyrwoh ba la pyllait da u T.S.Chavhan, Deputy Director ka SAI, STC, Shillong, la ong ba ha katei ka prokram yn pynlong ïa ka test ha ka liang ka bor met jong ki khynnah lyngba ki kor ki bor ka juk mynta, ban khmih bniah ïa ki sap ïalehkai jong ki ha la ki jong ki rta jong ki.
Kane ka prokram kan sdang naduh ka por 9:30 mynstep haduh 1 baje nohphai sngi bad ka jingkhmih bniah kan long haduh ka por 6 baje janmiet.
