Shillong, Naitung 10
Ka khubor ba la ïohlum ha ka Sngi Balang lyngba ka ‘Website’ jong ki pulit ka jylla ka ïathuh ba kawei ka samla wad kam ka la shah shukor hadien ba ka la dep ban siew pisa.
Katkum ka khubor na ki pulit, la ong ba kawei ka samla na West Jaiñtia Hills ka la ujor ba hapdeng ka 20 bad 24 tarik Jylliew, 2024, ka la lap ïa kawei ka kompani lyngba ka rynsan ‘Online’ ïa kaba la ai kyrteng ‘Indigo’ bad la kam ba kane ka kompani ka don ha Umïam, Umroi Airport (Shillong Airport). Haba ka la lap kumta, ka la thep na ka bynta ka kam ‘Ground Staff’.
Ynda ka la dep thep ïa katei ka kam, ka la ïoh ïa kawei ka ‘phone call’ ha kaba la bthah ba kan siew ïa ka pisa T. 63,400, bad kane ka pisa ka dei na ka bynta ban ai jinghikai, Insurance Policy bad kiwei. Kane ka samla ruh ka la kohnguh bad ka la siew ïa ka pisa kumba la bthah. Hynrei kham hadien, ka la sngewthuh ba ka la shah shukor.
