Jowai, Naitung 11
Uwei u samla u la khlad noh na ka jingmynsaw jur hadien ba ka scooty kaba u ñiah ka la leit rung sha khrum ka trok Shaktiman.
Kane ka jingjia ka la jia ha ka miet 11 tarik Naitung ha ka por kumba 9 baje 20 minit eiei ha Thluwania Ladthadlaboh, Jowai.
U nongñiah jong kane trok kaba don ïa u nombor ML 04 7248, u la ïathuh ba ka kali jong u ka la sniew bad ki la ïeng ha kane ka jaka. Hadien katto-katne por kawei ka scooty kaba don u nombor ML 04 D 2675 kaba ñiah da u Abraham Sajem, 18 snem ka rta, ka la leit rung shapoh khrum jong kane ka trok na ka bynta shadien bad u la mynsaw jur.
Ki pulit na ka Thanat Jowai mar sien ïoh jingtip ïa kane ka jingjia ki la wan shimti bad la pynkit ïa u Abraham sha Dr Norman Tunnel Hospital.
La ïathuh ba hadien katto-katne por na ka daw ka jingmynsaw jur u la khlad noh.
