Ha ka jingshisha ngi kum ki khristan ngi dei ban bud beit ia ka jinghikai ka niam Khristan. Hynrei ngi ki Khasi ngim kohnguh ïa ka ktien U Blei ka hikai. Kum ki Khristan ngi dei ban shim jait na u shynrang ym na ka Kmie ba shim ki Khasi. Hangne ha ri Khasi ngi bun kiba la long khristan. Hynrei ngi ïai bud ïa ka dustur ka riti u barim ba shim jait na ka kmie. Kane ka pynpaw ba kawei ka kjat ka don bad ka jingngeit khristan kawei ka don bad u soitan. Te hangne keiñ ka jaitbynriew kan ïa long tylli, haba ngi don la ka jingngeit ba ïapher hapoh ka jingkdup ka shatri ka jaitbynriew. Kano kano ka jaitbynriew ka bym don ka jingïatylli kan pait kan pra bad ka lah ban duh jait noh ha kano kano ka por. Namar kam ju bha ban bam ar maloi ïa ka dustur Khasi bad ïa ka dustur khristan. Kane ka long kum ka jingïohi jongnga kum u briew ba kwah ban wad ïa ka jingshisha.
C. B. Iawphniaw