Shillong, Naitung 11
Ka hat-trick na u Wanboklang L. Nongbri ka la biang pura ïa ka Umrynjah SC ba kan ïoh jingjop ha ka lympung ïalehkai Under-20 4th Division 2024 ba la pynïaid da ka Shillong Sports Association. Kane ka la wan urlong hadien ba ka la pynliem noh ïa ka Lumpyngngad SC da 3-1 ha ka Sngi Palei ha madan Polo.
Ha kane ka jingïakhun kaba la long ha SSA Stadium, u Wanboklang u la ïoh ban thep haduh lai kol ha ka minit kaba 11, 35 & 55. Katba na ka liang ka Lumpyngngad ka la ïoh ban thep kham hashwa da u Viangcolas Kharbyngngar ha ka minit kaba 4.
Haba phai sha ka jingiakhun kaba la long ha madam MFA, ka Laitlulang SC ka la pynliem noh ia ka Laitkroh SC da 2-0 kol. Kane ka la wan lyngba ki ar kol ba la thep da u Pynskhemlang Lyngdoh ha ka minit kaba 6 & 67.
