Nongstoiñ, Naitung 11
Ka NDSA ka pyntip ba ïa ka ‘playoff’ na ka bynta ban leit ïakhun ïa ka MSL (qualifier) ba la dep pynbeit bad pynbna ba kan long hapdeng ka Mawlarshong SC bad ka Pyndengrei SC&SC ha ka 12 tarik mynta u bnai ha madan Mawkadiang, la pynsangeh noh namar ba ka Pyndengrei kam lah ban wan ïashim bynta.
U Dr. L.L Mawsor, Chairman ka Football Committee ka NDSA ha ka kyrwoh khubor ba la phah u la ong ba na ka liang ka NDSA ka pynbna ruh ba ka hok ban leit ïakhun ïa ka MSL (qualifier) jong ka MFA (lada don) kum ka kynhun kaba wan ba-ar na ka NDSA Super League kan leit sha ka Mawlarshong SC.
