Shillong, Naitung 11
Ka lympung ïalehkai State Level Subroto Mukherjee Cup Football Tournament 2024 ba la pynïaid da ka tnat ïalehkai jong ka Sorkar Jylla ka la jam sha ka semi final ha kane ka nongbah.
Ki kynhun kiba la rung semi final ha ka Under-15 (boys) ki long ka Assam Rifles Public School (EKH), Government Boys HSS (WGH), Dominic English UPS (WJH) bad ka Nongjri Presbyterian SS (Ri Bhoi). Ha ka Under-17 (boys) ki long ka Assam Rifles Public School (EKH), North Liberty HSS (WJH), Songsak Agitokgre HSS (EGH) bad ka Myngken Christian HSS (Ri Bhoi). Ha ka Under-17 (Girls) ki long ka Tyrsad HSS (EKH), Kyrshai Government LP&UPS (WKH), North Liberty HSS (WJH) bad ka Christian HSS (Ri Bhoi). Kine baroh ki kynhun kin pynkhreh ïa ki jingïakhun semi final ha ka sngi Thohdieng.
Ha ka Under-17 (Boys) kaba la long ha madan MFA ha ka sngi Palei, ka Sibsingh Memorial Govt. HSS (West Khasi Hills) ka la jop da 2-1 kol ïa ka Damram Union SS (North Garo Hills). Ïa kine la thep da u Pynshaimanik Kharbani (43) bad u Fourthjillson Thongni (46), katba na ka Damram Union la thep da u Milkash M. Marak (67).
Ka Mount Cramel SS (South Garo Hills) ka la shah pynjem khnap ha ka Lotus SS (East Jaiñtia Hills) haduh 0-9 kol. U Timing Lyngdoh u la khur ïa ka hat-trick hadien ba u la thep ha ka minit kaba 37, 46 & 56. Ïa ki ar kol la thep da u Mebanlamlynti Phawa (27 & 36) bad u Bewithus Sympli (30 & 50). Katba ïa kiwei pat la thep da u Vishal Lyngdoh (3) bad u Chiborlang Pohleng (42).
Ka Assam Rifles ka la pynliem biang sa ïa ka Little Star English Medium SS (EWKH) da 4-0 kol. U Jason Malsawmtluanga u la thep ar kol ha ka minit kaab 2 & 13, katba ïa kiwei pat la thep da u Iminstar Mawlong (53) bad u Rodrygo Sympli (55).
Ka Okkapara SS (South West Garo Hills) ka la shah rem haduh 5-0 kol ha ka Myngken Christian HSS. Ïa ki ar kol la thep da u Banganson Nongphlang (2 & 29), Banplibok Khongjoh (47 & 53) bad u Saindur Rynjah (45).
Ha ha ka kyrdan ïalehkai Under-17 (Girls) kaba la long ha Madan Heh Mini Stadium, ka North Liberty ka la lah ban pynliem ïa ka Rongrong SS (North Garo Hills) da 2-1 kol. Ïa kine la thep da ka Syrpailin Synnah (2) bad ka Ibanetilut Shylla (44), katba na ka Rongrong la thep da ka Ania K Marak (28).
Ka Kynshai Govt. ka la pynjem khnap ïa ka Okkapara SS (SWGH) haduh 6-0 kol. Ka Esha Nongum (48, 50 & 52) bad ka Younisha Thabah (27 & 59) ki la khur ïa ka hat-trick da kaba thep mar lai kol.
Ka Tyrsad ka la pynliem noh ïa ka Lotus SS (East Jaiñtia Hills) lyngba ka shi kol ba la thep da ka Larihun Songthiang ha ka minit kaba 10. Katba ka Little Star English Medium SS (Eastern West Khasi Hills) ka la shah rem noh ha ka Christian HSS da 3-0 kol lyngba ka Daïamon Makroh (7 & 50) bad ka Pynibha Rangthaluh (23).
Ha ka Under-15 (Boys) kaba la long ha SSA Stadium, ka Govt. HSS (WGH) ka la pynliem noh ïa ka Little Star HSS (South West Khasi Hills) lyngba ka shi kol ba la thep da ka Wennieber M.Sangma (22). Ka St. Claret HSS (South West Garo Hills) ka la shah rem kput haduh 10-0 kol ha ka Nongehram Adunai HSS (East Garo Hills). Ka Angsukka G. Momin ka la khur ïa ka hat-trick hadien baa ka la thep ha ka minit kaba 14,18 & 25+1, kumjuh ka Rakchak Marak (16 & 39), Chesrang Sangma (30 & 31), Chibasal Arengh (43) bad ka Jakgrik M. Sangma (46).
Ka Assam Rifles ka la jop da 1-0 kol ïa ka Dapborlang Giri Memorial SS (West Khasi Hills) lyngba u Medonbanshan Kurkalang (47). Kumjuh ka Dominic English UPS (West Jaiñtia Hills) ka la pynliem noh ïa ka Bakenang UPSS (North Garo Hills) lyngba ka shi kol ba la thep da u Aiborlang Wahlang (25).
