Jowai, Naitung 14
Ka West Jaiñtia Adventure & Cycling Association ryngkat ka Meghalaya Cycling Association ha ka 13 tarik ki la pynlong ïa ka State Selection Trial ha Jowai Khliehrymphum ba la wan ïashim bynta da ki khun samla. Ha kane ka sngi la donlang u Waheh shnong Ladthadlaboh Aibanmanbha Shullai, President Rotary Club Jowai u Rtn. Rudolf E Laloo bad Waheh Dong Khliehrymphum Stranger Lamare, President West Jaintia Adventure & Cycling Association Biangpor Shylla nalor kiwei kiwei. Ïa ka jingïakop la phiah ha ki kyrdan bapher kata ka kyrdan Junior, Sub-Junior, Youth, Elite Men & Women.
Ki nongjop ha ka kyrdan Junior ki long u Dalenmi Sana, Riboklang L Nonglait bad Hubat Chuangsha M Marak. Ha ka Sub-Junior u Daohi Dkhar, John Rodrick B Shadap bad Mark Amazing Khyllait. Ha ka Elite Men u Kevinjohn Khyllait, Lambormi Phawa bad Sharailang Basaiawmoit. Ha ka Elite Women ka Phyrnai Kyndait, ha ka Youth la jop u Kevin L Sangriang, Ewandame Mark Syiemlieh bad u Kerry Wahlang. U Biangpor Shylla u la ïathuh ba ki nongjop kin ïoh lad ban mihkhmat ïa ka Jylla sha ka MTB Championship 2024 ka ban long ha u bnai ban wan bad kum ka jingpynshlur ïa ki khynnah, ka MCA kala kular ban ïarap ïa ki khynnah kiba khur takma ksiar, rupa bad rnong.
