Shillong, Naitung 14
U Bah Anthony Jana u la pynbna ba un mih ban ïakhun ïa ka ilekshon MDC ka ban sa wan hynrei um pat shim rai pat na kano konstitwensi un ïakhun. Ha ka kyrwoh khubor ba u la phah, u Bah Anthony Jana u la ong ba ki ‘riew rangbah kiba hap ha ka Constituency Mawphlang bad Sohïong ki la pynpaw ka jingkwah ban pynïakhun ïa u, kumta um pat shim rai na kano ka konstitwensi un mih ban ïakhun.
U Bah Anthony u dei ruh u kaitor ba paw ka ri Khasi bad u dei ruh u nonghikai skul uba bat mynta kum u Headmaster jong ka skul, bad mynta u bat kum u Rangbah Shnong jong ka Mawngap rim.
