Jowai, Naitung 15
Ka lympung ïalehkai 4th U Adelbert Laloo Memorial Trophy-3rd Division Football Tournament ba la pynïaid da ka West Jaiñtia District Sports Association (WJDSA) ka la sdang ha ka Lah Sngi U Blei ha Kiang Nangbah Stadium, Jowai.
Ha kane ka lympung la don 41 tylli ki kynhun ha kaba la phiah sha 8 tylli ki Pool, ka Pool A, B, C, D, E, F, G bad H.
Ha ka Pool-A ki long ka Da-ihi Mynsngat, Dong Nein Sohmynting, Nangbah Pohshnong, Lumchyrmang Mihmyntdu, Riat Saliya Mihmyntdu bad ka Chyrmang Wah. Ha ka Pool-B ki kynthup ïa ka Pammanik, Mustem East, Mookyrdup, Newhill bad ka Moodymmai.
Ha ka Pool-C ki long ka Pynthor Langteiñ, Madan Thadmuthlong, Kseh Sylle Ialong, FAM, Ïooksi Youth Welfare. Ha ka Pool-D ki long ka Lumiongkjam, Youth Welfare Pynthor Langteiñ, Mookymphad Mihmyntdu, Lum Sliarsliar bad ka Luti Tuber Ialong.
Ki kynhun ha ka Pool-E ki long ka Umshangïar, Dong Nein Mookaswan, Myrjai SC, Nonglatem bad Ardamihki Demthring. Ha ka Pool-F ki long ka West Madan Mustem, Pasyih Cultural, Lumkhangdong Kyndong Tuber, Pateinki Sabah bad ka Lumpyrtuh Mihmyntdu.
Ha ka Pool-G ki long ka Mookaswan Dong Wah, Mooknor Nangbah, Phramer, Katholik Youth Mihmyntdu bad Khliehshnong Ialong. Ha ka Pool-H ki long ka Royal Pole Mihmyntdu, Nangbah Khloopano, Loompyrdi Iongpiah, Mulang Ïalong bad Saiñdur Mihmyntdu.
Ha ka jingïakhun jong kane ka sngi sdang, ka Da-ihi ka la pynliem noh ïa ka Chyrmang wah da 3-1 kol. Ïa kine ki kol la thep ar kol da u Deepson Takbi ha ka minit kaba 11 & 32 bad kawei pat la pynbud da u Daïoshwa Siangshai ha ka minit kaba 25.
Ha ka jingïalehkai kaba bud, ka Riatsalia ka la pynliem ïa ka Lumchyrmang da 2-0 kol bad ïa kine la thep da u Chyrmang ha ka minit kaba 29 & 54.
Ha ka jingïakhun kaba lai, ka Mookyrdup ka la pynliem ïa ka Newhill da 3-0 kol. Ïa kine ki kol la thep da u Deliverance Plain ha ka minit kaba 27, u Diwborn Taiang ha ka minit kaba 46 bad u Banda i Ryngki ha ka minit kaba 56.
Ha ka jingïalehkai kaba khatduh jong kane ka sngi hapdeng ka Ksehsylle ïalong bad FAM ki la ïasam mar shi point hadien ba ki la ïakhaid mar 1-1 kol. Ïa ka kol jong ka Ksehsylle Ïalong la thep da u Chalet Phawa ha ka minit 9, katba ka FAM ka la lah ban pynïakhaid kylla lyngba u Meshami Nongrum ha ka minit kaba 52.
