Jowai, Naitung 17
Ka Mulang Ïalong bad ka Moodymmai ki la khyrwit mar 6 kol pyrshah ïa ka Loompyrdi Ïongpiah bad Mustem East na ka bynta ban khur ïa ka jingjop kaba nyngkong ha ka lympung ïalehkai “4th U Adelbert Laloo Memorial Trophy-3rd Division Football Tournament” ba la pynïaid da ka West Jaiñtia District Sports Association (WJDSA).
Ha kane ka jingïakhun kaba la long ha ka sngi Balang ha Kiang Nangbah Stadium, Jowai ka Moodymmai ka la punliem ïa ka Mustem East da 6-0, lyngba ki kol ha ka minit kaba 6, 8, 45, 50 & 52 & 70.
Ha ka jingïakhun kaba bud, ka Mulang Ïalong ka la pynliem ïa ka Loompyrdi Ïongpiah da 6-0 kol, lyngba ki kol ha ka minit kaba 15, 30, 42, 45, 52 & 62.
Ha kawei pat ka jingïakhun, ka Dongnein Sohmynting ka la pynliem ïa ka Nangbah Pohshnong da 5-0 kol, lyngba ki kol ha ka minit kaba 26, 33, 38, 39 & 56.
Ha ka jingïakhun kaba khatduh jong kane ka sngi, ka Madan Thadmuthlong ka la pynliem ïa ka Pynthor Langtein da 1-0, lyngba ka kol ba la thep ha ka minit kaba 65.
