Shillong, Naitung 17
Ka North Eastern Hill University (NEHU) ha ka Sngi Balang kala rakhe ïa ka lyngkhuh sngi ïap kaba 189 jong u Tirot Sing Syiem, ban kynmaw burom ïa ki kam bad ka mynsiem riewshlur ha ka jingïaleh pyrshah ïa ki bor synshar ki dohlieh.
Ha kane ka jingrakhe ïa kaba la pynlong ha NEHU Campus, la wan ban ïashimbynta da ki nonghikai, ki samla pule bad ki nongtrei. Ïa ka jingïalang la pynïaid da u Prof. Devendra Nayak, Vice-Chancellor (I/C) ka NEHU, katba u Prof S Umdor jong ka tnat Economics u la ai ka jingkren bad ïathuh ïa ka khana shaphang ka jingim bad ka jingïakhun laitluid jong u Tirot Sing Syiem.
U Registrar ka NEHU u Col. Omkar Singh (Retd) u la ban jur halor ka jingdonkam ban shim ïa ki rai kiba bha ha ka jingpynïaid kam ha kane ka juk bad ruh ïa ki jinghikai kiba lah ban shim na ki kam shlur u Tirot Sing ban wanrah ïa ka lawei kaba bit ba biang.
Katba u Prof Nayak u la kyntu ïa ka NEHU Students’Union (NEHUSU) ban shim ïa ka bynta long nongïalam ha kaban pynlong ïa ki prokram ban pynphriang paidbah halor ki jingtip shaphang ki nongïaleh laitluid. U la kular ba kane ka skulbah kan ai ïa ka jingkyrshan kaba pura ïa kum kine ki prokram.
